ពត៌មានសុខភាព,
មហារីកមាត់ស្បូនៈ បង្ការដូចម្តេចឱ្យត្រឹមត្រូវ
ភ្នំពេញ:ជាជំងឺមហារីកទូទៅមួយកើតមានចំពោះស្ត្រី, មហារីកមាត់ស្បូនជាក្តីបារម្ភរបស់ស្ត្រីជាច្រើន ពិសេសស្ត្រីជាភរិយា ។ ប៉ុន្តែកម្រមានអ្នកណាដឹងថា មហារីកមាត់ស្បូនជាប្រភេទជំងឺមហារីកមួយអាចបង្ការបាន ហើយបងប្អូនស្ត្រី អាចម្ចាស់ការការពារខ្លួនឯងចៀសផុតពីជំងឺនេះបាន ។
មូលហេតុណាបង្កជាមហារីកមាត់ស្បូន?
មូលហេតុបង្កជាមហារីក មហារីកមាត់ស្បូនដែលត្រូវបានកំណត់គឺ ដោយសារឆ្លងវីរុសHPV តាមផ្លូវភេទ ។ វីរុសនេះមានច្រើនអម្បូរ ត្រូវបានដាក់លេខតាមលំដាប់ លំដោយ ។ អម្បូរ HPV ចំនួន៥ គឺ១៦, ១៨, ៣១, ៣៣និង៤៥ ” ជាឧក្រិដ្ឋជនជួរមុខ” ដែលបង្កប្រមាណ ៨៤ភាគរយនៃករណីមហារីកមាត់ស្បូនលើទូទាំងពិភពលោក ។
មានវិធីណាដើម្បីបង្ការជំងឺ
មានវីធីបង្ការមហារីកមាត់ស្បូន ២ : ចាក់វ៉ាក់សាំង PHV និងត្រួតពិនិត្យតាមកាលកំណត់ដោយការវិភាគ PAP Smear ។
-ចាក់វ៉ាក់សាំង PHV ៖ វិធី នេះជួយបន្ថយគ្រោះថ្នាក់មហារីកមាត់ស្បូន ដោយវិធីទប់ស្កាត់ការឆ្លងអម្បូរវីរុស PHV បង្កមហារីកទូទៅបំផុត ។ ត្រូវចាក់គ្រប់៣ម្ជុលវ៉ាក់សាំងក្នុងរង្វង់៦ ខែ។ នារីភេទមានអាយុ៩-១០ដល់២៥- ២៦ឆ្នាំ ពុំទាន់ឬបានមានទំនាក់ទំនងផ្លូវភេទសុទ្ធតែអាចចាក់បង្ការ ។
-វិភាគ PAP Smear : ធ្វើវិភាគនេះជួយឱ្យឆាប់រកឃើញនូវសញ្ញាខុស ប្រក្រតី ដើម្បីព្យាបាលទាន់ពេល បន្ថយគ្រោះថ្នាក់ភាពមិនប្រក្រតីនេះរីកចម្រើន ទៅជាមហារីកមាត់ស្បូន ។ វិភាគនេះសម្រាប់អ្នកឆ្លងកាត់ការរួមភេទនិងត្រូវ អនុវត្តមួយឆ្នាំម្តង ។
គួបផ្សំវិធីបង្ការទាំងពីរនេះ គឺជាវិធានការបង្ការជំងឺមានប្រសិទ្ធភាពបំផុត ។
គួរឆាប់ចាក់វ៉ាក់សាំងឬត្រូវរង់ចាំដល់ពេលត្រៀមបង្កើតគ្រួសារ?
” បង្ការជំងឺប្រសើរជាងព្យាបាលជំងឺ” ហើយការបង្ការគួរត្រូវបានអនុវត្តកាន់តែឆាប់ កាន់តែល្អ ។ ចាក់វ៉ាក់សាំងកាន់តែឆាប់កាន់តែជួយកាត់បន្ថយការប្រឈមឆ្លងវីរុសPHV។ ក្មេងស្រីចាក់បង្ការវ៉ាក់សាំងកាន់តែពង្រីកបានឥទ្ធិពលការពារ ។ មនុស្សស្រីក្នុងវ័យអាចចាក់វ៉ាក់សាំង (៩-២៦ឆ្នាំ) គួរម្ចាស់ការអនុវត្តវិធានការបង្ការជំងឺនេះភ្លាមពេលដែលអាចធ្វើបាន មិនត្រូវរង់ចាំដល់ពេលជិតរៀបការ ។
ចាក់វ៉ាក់សាំងហើយ តើត្រូវបន្តពិនិត្យទៀតឬអត់?
អ្នកដែលបានចាក់វ៉ាក់សាំងរួច ពេលចាប់ផ្តើមមានការរួមភេទនៅតែត្រូវទៅពិនិត្យរោគស្ត្រីនិងធ្វើ វិភាគ PAP Smear តាមកាលកំណត់ ។ វ៉ាក់សាំងបច្ចុប្បន្នប្រមូលផ្តុំការ បង្ការក្រុម PHV បង្កមហារីកទូទៅបំផុត ប៉ុន្តែនៅមានក្រុមកម្រជួបប្រទះមួយចំនួនមិនត្រូវបាន “ហ៊ុមព័ទ្ធ” ដោយវ៉ាក់សាំង ។ ដូច្នេះការត្រួតពិនិត្យនៅតែជាការចាំបាច់ ៕