ពត៌មានសុខភាព,
បរិភោគអ្វីដើម្បីសម្រកក្បាលពោះ?
ភ្នំពេញ: វិទ្យាសាស្ត្រចាត់ទុកថា ពពួកគ្រាប់ធញ្ញជាតិអាចបង្ក្រាបភាពឃ្លាន និងបន្ថយខ្លាញ់ពោះយ៉ាងមានប្រសិទ្ធភាពអស្ចារ្យ ។ ដោយមិនចាំបាច់ត្រូវទទួលទានច្រើននោះ គេត្រូវការតែមួយក្តាប់ក្នុងមួយថ្ងៃក៏គ្រប់គ្រាន់ដើម្បីជួយអ្នក ប្រែជារៀវស្តើងនិងកម្ចាត់ខ្លាញ់ពោះ។
តាមកាសែត Daily Mail, នេះជាលើកដំបូងដែលវិទ្យាសាស្ត្ររកឃើញ និងបញ្ជាក់ បានទំនាក់ទំនងរវាងពពួកគ្រាប់ធញ្ញជាតិជាមួយនឹងកម្រិតខ្ពស់របស់ សារជាតិ Serotonin ដែលជាសារជាតិមួយប្រភេទធ្វើឱ្យថយចុះអារម្មណ៍ឃ្លាន ធ្វើឱ្យសោមនស្សរីករាយនិងបង្កើនសុខភាពបេះដូង ។
ពួកអ្នកស្រាវជ្រាវនៅមហាវិទ្យាល័យ បាសេឡូណា ឱ្យដឹងថា ដោយគ្រាន់តែបរិភោគមួយ 1 ounce (៣០ក្រាម) គ្រាប់កៅឡាក់, អាល់ម៉ុន ឬប្រភេទគ្រាប់មួយចំនួនទាំងសម្បកក្នុងមួយថ្ងៃ ក៏បង្កើតបានប្រសិទ្ធភាពច្បាស់ក្រឡែត ។
”របបទទួលទានតមមួយតាមបែបវិទ្យាសាស្ត្រជាមួយនឹងវត្តមានជាប្រចាំ របស់ពពួកគ្រាប់(ផ្ទុកសារជាតិខ្លាញ់ល្អនិងសារជាតិប្រឆាំង អុកស៊ីតកម្ម) នឹងជួយអ្នកជំងឺកម្ចាត់ចោលបានទម្ងន់លើស, បន្ថយគ្រោះថ្នាក់ជំងឺទឹកនោមផ្អែមប្រភេទ២និងជំងឺសរសៃ ឈាមបេះដូង” -បណ្ឌិតគ្រីស្ទៀន អានឌ្រីសឡាគូវ៉ា (Christian Andris-Lacueva) ឱ្យដឹង ។
នៅក្នុងការស្រាវជ្រាវ ពួកអ្នកវិទ្យាសាស្ត្របានអនុវត្តរបបទទទួលទានតមដោយសារអាហារសម្បូរព ពួកគ្រាប់ក្នុងរយៈពេល១-២សប្តាហ៍សម្រាប់អ្នកជំងឺលើសទម្ងន់២២នាក់ ប្រៀបធៀបជាមួយនឹងក្រុមមួយផ្សេងរួមមានអ្នកជំងឺ ២២នាក់ទទួលទានតមធម្មតា ។ លទ្ធផលបង្ហាញថា អ្នកទទួលទានគ្រាប់២០ ក្រាមក្នុងមួយថ្ងៃ នឹងមានកម្រិត Serotonin ក្នុងទឹកនោមខ្ពស់ជាង ។
ប្រមាណ៩០ភាគរយនៃបរិមាណ Serotonin របស់សរីរាង្គមានក្នុងពោះវៀន ។ ចំនួននៅសល់ប្រមូលផ្តុំនៅប្រព័ន្ធសរសៃប្រសាទមជ្ឈិម ជាកន្លែងសម្រួលសភាពចិត្តគំនិតនិងអារម្មណ៍ឆ្ងាញ់មាត់ ។ ភាគច្រើននៃពពួកឱសថពិសេសសម្រាប់ព្យាបាលរោគសោកសៅ ច្របូកច្របល់សកម្មភាព…សុទ្ធតែត្រូវបានស្ថាបនាដើម្បីផ្លាស់ប្តូរ កម្រិត Serotonin នេះ ។
បណ្ឌិត Christian សន្និដ្ឋានថា អាស្រ័យហេតុនេះ ទស្សនៈទាំងឡាយមុននេះអំពីការកម្ចាត់គ្រាប់ចេញពីរបបទទួលទានតម ដើម្បីបន្ថយបរិមាណកាឡូរី និងម្សៅគឺ “ខុសឆ្គងទាំងស្រុង” ៕