ពត៌មានសុខភាព,
ស្ត្រីៗកុំភ្លេចអានអត្ថបទនេះ! វិធីការពារកុំឱ្យឆ្លងមេរោគផ្សិតចូលទៅក្នុងទ្វារមាស
រៀបរៀង์ដោយ
ម៉ោង
ការឆ្លងមេរោគផ្សិតក្នុងទ្វារមាស ជារោគស្ត្រីដែលបណ្តាលមកពីមេរោគផ្សិត។ វាបណ្តាលឱ្យចេញកន្ទួលក្រហម ហើម និងធ្វើឱ្យមានការឈឺចាប់។ បើយោងតាមគ្លីនិក Mayo បានឱ្យដឹងថា មានស្ត្រី ៣ក្នុងចំណោម ៤នាក់អាចប្រឈមមុខនឹងជំងឺឆ្លងមេរោគផ្សិតនេះ នៅពេលណាមួយក្នុង ១ឆាកជីវិត។ ទោះបីជាយ៉ាងណា ជំងឺនេះអាចរាតត្បាតតាមរយៈការរួមភេទ, ជំងឺឆ្លងមេរោគផ្សិតនេះមិនត្រូវបានគេចាត់ទុកថា ជាជំងឺឆ្លងតាមរយៈការរួមភេទទេ។ ជាទូទៅ វិធីព្យាបាលជំងឺឆ្លងមេរោគផ្សិតនេះជាវិធីសាមញ្ញ អាស្រ័យលើអាការៈធ្ងន់ធ្ងរ។
មូលហេតុដែលបណ្តាលឱ្យឆ្លងមេរោគផ្សិត
ជំងឺឆ្លងមេរោគផ្សិតនេះ ភាគច្រើនបណ្តាលមកពីប្រភេទវីរុសផ្សិត។
វាអាចព្យាបាលបាន ហើយក្នុងករណីខ្លះ មេរោគផ្សិតនេះនឹងកើតឡើងម្តងទៀត
ប្រសិនបើវិធីព្យាបាលគ្មានប្រសិទ្ធភាព,
វាអាចមកពីប្រភេទវីរុសផ្សិតខុសប្លែកពីគ្នា។
បន្ទប់ពិសោធន៍អាចជួយស្វែងរកប្រភេទនៃមេរោគផ្សិតរបស់អ្នកបាន។
អតុល្យភាពនៃការលូតលាស់របស់មេរោគផ្សិតកើតឡើងអាចបណ្តាលមកពី៖
- ថ្នាំអង់ទីប្យូទិច (វាមានផ្ទុកនូវបរិមាណសារធាតុ lactobacillus ទាប, បាក់តេរីល្អៗ នៅក្នុងទ្វារមាស)
- ជំងឺទឹកនោមផ្អែមធ្ងន់ធ្ងរ
- ការមានផ្ទៃពោះ
- ភាពតានតឹង
- គេងមិនបានគ្រប់គ្រាន់
- ទទួលទានជាតិស្ករច្រើន, អាហារនាំឱ្យខូចសុខភាព
- អតុល្យភាពអ័រម៉ូនពេលជិតមករដូវ។
រោគសញ្ញានៃជំងឺឆ្លងមេរោគផ្សិតក្នុងទ្វារមាស
- រលាក
- កន្ទួលក្រហម
- ឈឺចាប់ពេលរួមភេទ
- ឈឺចាប់
- រមាស់
- លំហូរទឹកពណ៌សលាយប្រផេះ ហើយខាប់ចេញពីទ្វារមាសក្នុងបរិមាណច្រើន ឬតិច(ទោះបីជាយ៉ាងណា ពេលខ្លះជាលំហូរទឹកតែម្តង)។
ធ្វើរោគវិនិច្ឆ័យលើជំងឺឆ្លងមេរោគផ្សិតក្នុងទ្វារមាសជំងឺនេះ
ងាយនឹងធ្វើរោគវិនិច្ឆ័យ។ វិធីនេះរួមបញ្ចូលទាំងប្រវត្តិនៃការព្យាបាល
និងថាតើអ្នកធ្លាប់ដែលបានឆ្លងមេរោគផ្សិតនេះពីមុនមក ឬក៏អត់។
វេជ្ជបណ្ឌិតក៏សួរអ្នកផងដែរថា
តើអ្នកធ្លាប់ឆ្លងមេរោគតាមរយៈការរួមភេទ ឬក៏អត់។
បន្ទាប់មក អ្នកនឹងត្រូវបានគេពិនិត្យមើលឆ្អឹងត្រគាក។
អ្នកជំនាញផ្នែករោគស្ត្រីនឹងពិនិត្យមើលទ្វារមាស
និងតំបន់ជុំវិញទ្វារមាសរបស់អ្នក ដើម្បីពិនិត្យមើល
បើអាចមានសញ្ញាមេរោគឆ្លងណាមួយនៅខាងក្រៅរាងកាយ។
ហើយគេនឹងពិនិត្យមើលកស្បូន និងភ្នាសទ្វារមាស។
វេជ្ជបណ្ឌិតនឹងបញ្ជូនអ្នកទៅកាន់បន្ទប់ពិសោធន៍ដើម្បីកំណត់ពីប្រភេទ
នៃការឆ្លងមេរោគរបស់អ្នក។
តើវិធីមួយណាដែលមានប្រសិទ្ធភាពបំផុតអាចព្យាបាលជំងឺឆ្លងមេរោគផ្សិតក្នុងទ្វារមាសនេះ?
វេជ្ជបណ្ឌិតនឹងកំណត់លើវិធីព្យាបាលឱ្យបានត្រឹមត្រូវ អាស្រ័យទៅតាមអាការៈធ្ងន់ធ្ងរ និងស្មុគស្មាញនៃមេរោគផ្សិត។
វិធីព្យាបាលតាមបែបធម្មតា
- ប្រើក្រែមប្រឆាំងនឹងមេរោគផ្សិត, ប្រេងលាបស្បែក, ថ្នាំគ្រាប់ ឬថ្នាំស៊ុលរយៈពេល ១-៣ថ្ងៃ។
- ប្រើថ្នាំលេប។
ស្ត្រីដែលបានធ្វើរោគវិនិច្ឆ័យមើលមេរោគផ្សិតរួចគួរតែប្រឹក្សា
ជាមួយនឹងវេជ្ជបណ្ឌិត ដើម្បីប្រើថ្នាំដែលមានប្រសិទ្ធភាព។
ការអនុវត្តតាមវេជ្ជបណ្ឌិត
នឹងធ្វើឱ្យអាការៈរបស់អ្នកជាសះស្បើយក្នុងរយៈពេល ២ខែ។
ឆ្លងមេរោគធ្ងន់ធ្ងរ
មានប្រភេទមេរោគផ្សិតជាច្រើនដែលមិនឆ្លើយតបនឹងការព្យាបាលបែបងាយៗ។ ខាងក្រោមនេះជារោគសញ្ញាធ្ងន់ធ្ងរនៃមេរោគផ្សិត៖
- ចេញក្រហមខ្លាំង, ហើម និងកន្ទួលរមាស់ដែលបណ្តាលឱ្យមានការឈឺចាប់ ឬដាច់រហែកជាលិកាទ្វារមាស។
- អ្នកបានឆ្លងមេរោគផ្សិតនេះច្រើនជាង ៤ដងក្នុង ១ឆ្នាំ
- ជំងឺទឹកនោមផ្អែមធ្ងន់ធ្ងរ ឬខ្សោយប្រព័ន្ធភាពស៊ាំ បណ្តាលមកពីការប្រើឱសថ ឬមេរោគអេដស៍។
វិធីព្យាបាលជំងឺឆ្លងមេរោគផ្សិតធ្ងន់ធ្ងរ
- ប្រើក្រែម, ប្រេងលាបស្បែក, ថ្នាំគ្រាប់ ឬថ្នាំស៊ុលរយៈពេល ១៤ថ្ងៃ
- ប្រើថ្នាំ Diffucan ២-៣ បន្ទះ (ហាមចំពោះស្ត្រីមានផ្ទៃពោះ)
- វេជ្ជបញ្ជានៃថ្នាំ Diffucan នេះមានរយៈពេលវែង ១សប្តាហ៍ត្រូវលេប
១គ្រាប់ រយៈពេល
៦សប្តាហ៍ឬប្រើឱសថប្រឆាំងនឹងមេរោគផ្សិតក្នុងរយៈពេលវែង
- ប្រើស្រោមអនាម័យនៅពេលរួមភេទ។
វិធីព្យាបាលជំងឺឆ្លងមេរោគផ្សិតតាមបែបធម្មជាតិ
-ក្រែមប្រេងដើមតែ
-ខ្ទឹមស ឬថ្នាំស៊ុលអាស៊ីតបូរិច
-ទទួលទានទឹកដោះគោជូរ ឬបញ្ចូលទៅក្នុងទ្វារមាស។
វិធីការពារពីជំងឺឆ្លងមេរោគផ្សិត
- ចៀសវាងការប្រើឆ្នុក ឬសំឡីអនាម័យមានក្លិនក្រអូប
- កុំអង្គុយទាំងខោអាវសើម ជាពិសេសខោអាវងូតទឹក
- ចៀសវាងការស្លៀកខោក្នុងរឹបតឹងណែនពេក
- ទទួលទានអាហារឱ្យមានតុល្យភាពល្អ
- ស្លៀកខោអាវធ្វើពីអំបោះសរសៃធម្មជាតិដូចជា កប្បាស, សូត្រ ឬឡែន
- ទទួលទានទឹកដោះគោជូរ ឬអាហារដែលមានផ្ទុកនូវសារធាតុ lactobacillus
- ចៀសវាងការប្រើទឹកលាងសម្អាតទ្វារមាស
- ឧស្សាហ៍ប្តូរសំឡីអនាម័យឱ្យបានញឹកញាប់
- ហាមអង្គុយត្រាំក្នុងក្តៅឧណ្ឌៗ ឬងូតទឹកក្តៅឧណ្ឌៗញឹកញាប់៕
Cr: khmerpropey